The Bonnie Hoose o' Airlie

Melody -

It fell on a day, on a bonnie summer's day,
When the sun shone bright and clearly,
That there fell oot a great dispute
Atween Argyll and Airlie.

Argyll he has mustered a thousand o' his men,
He has marched them oot richt early;
He has marched them in by the back o' Dunkeld,
To plunder the bonnie hoose o' Airlie.

Lady Ogilvie she looked frae her window sae high,
And O but she grat sairly,
To see Argyll and a' his men
Come to plunder the bonnie hoose o' Airlie.

"Come doon, come doon, Lady Ogilvie" he cried:
"Come doon and kiss me fairly,
Or I swear by the hilt o' my guid braidsword
That I winna leave a stan'in' stane in Airlie.

"I winna come doon, ye cruel Argyll,
I winna kiss ye fairly;
I wadna kiss ye, fause Argyll,
Though ye sudna leave a stan'in' stane in Airlie."
  "Come tell me whaur your dowry is hid,
Come doon and tell me fairly."
"I winna tell ye whaur my dowry is hid,
Though ye sudna leave a stan'in' stane in Airlie."

They socht it up and they socht it doon,
I wat they socht it early;
And it was below yon bowling green
They found the dowrie o' Airlie.

"Eleven bairns I hae born
And the twelfth ne'er saw his daddie,
But though I had gotten as mony again,
They sud a' gang to fecht for Charlie.

"Gin my guid lord had been at hame,
As he's awa' for Charlie,
There dursna a Campbell o' a' Argyll
Set a fit on the bonnie hoose o' Airlie."

He's ta'en her by the milk-white hand,
But he didna lead her fairly;
He led her up to the tap o' the hill,
Whaur she saw the burnin' o' Airlie.

The smoke and flame they rose so high,
The walls they were blackened fairly;
And the lady laid her doon on the green to dee,
When she saw the burnin' o' Airlie.

In 1640 the Committee of Estates commissioned the Earl of Argyll to take up arms against certain persons hostile to the Covenant and "unnatural to their country". The Earl of Airlie, a loyal supporter of the Stuart cause, retired to England in order to avoid being pressed into supporting the Covenant, meanwhile leaving his house in the keeping of his eldest son, Lord Ogilvie. On being informed that Argyll was marching against him with a force of several thousand men, Ogilvie abandoned his father's house. Lady Ogilvie was not present at the burning of the Airlie establishment and ten of the eleven children mentioned in the song had no existence outside of the ballad-maker's imagination.

| Deutsche Volkslieder | Ahnenforschung | Ferienaufenthalt | Folksongs | Hymns | Genealogy | Pacific Holiday | HOME PAGE | SEARCH | Email |