Die Heiligen Drei Könige / De haligen Dreikini schworz braun weiß free midi mp3 download Strand Hotel Sechelt bed breakfast

Die Heiligen Drei Könige

Melodie -

Karl Franz Leppa

De haligen Dreikini, schworz, braun, weiß,
de haligen Dreikini gengant über s Eis.
In haligen Koschper fruist s in d Händ,
in haligen Melcher zuigt s in de Zähnt,
da haligi Balthasar möcht schier rehrn,
wal s nit oa Hundei ghoaln hörn.
Jah, wonn s douh noch n Schnitt sou war,
ober heunt schneit s grod in Himmel lar.
Dur d Stiefeln beißt eahna schoun da Schnee,
und da Stern bleibt nouh ullwal nit stehn in da Höh!
Do broatn f af da Erd af an enzgroß Popier,
af dem glonzt schön blob da gonz Himmel schier,
und Stern liegn wia Faungan draf umanond.
De drei knian dabei und reden gscheit duranond.
Da Balthasar moant: "Hiazt san ma bold durt."
Da greint gleih da Melcher: "Des sogt in oan furt!"

Wia da Koschper draf schreit, daß a an Stoll siaght im Feld,
pfnurrt da Melcher: "Durt kimmt koa Kini af d Welt.
Lous? s rehrt jo a Kuah drin und s megazt a Goas!"
af d Erd stompft a gifti: "umasinst de gonz Roas!"
Se kloupfnt oft recht resch ba da Stolltür aun,
und wia s afgeht, brummt siera an olter Maunn:
"Wonns ös ma n hiazt afweckts mit enkan Schrein,
oft schlaferts enk selber in Herrgoutt ein!"
Do beidln s mit de Köpf und harben sih hult,
wia wonn da olt Josef eahna fouppen wullt.
Schaunt olsdann de Profezeiung dur;
da Haligenschein leucht an iadn dazua.
Sogt da haligi Koschper af oamol: "Mih ziemt,
daß de Sternguckerei of r a Harl stimmt."
Da Stern bleibt ah schön stehn über n Doh,
do wischent de Kini in Schwitz eahna o,
und lochent und woanent und juhazn schier
und follnt vorn kloan Herrgoutt in Stoll drin af d Knia ...