Es isch kei sölige Stamme O wedder de Chüejerstand. We de der Maien isch vorhange, Da fahre die Chüejer z'Alp. Der Mei, der isch jetze komme, Die Chüejer gahn uf e Berg. Bhüet Gott mir alli mini Fromme, Das keines mer freß de Bär. Der Bernerherre Berge, Die liegen im Emmetal. D'Steimöser und no die Breitärge Si die Besten überall. Die nieder und mittelst Berge Si alli gar hoch im Pris. Dört hei die Chüejer schöni Berge, Dört ißt me gar gueti Spis.

Dört uf dene obere Berge, Dört geit gar mengi Chueh! Es si das wohl die schönste Berge; Die Chüejer hei Sorg derzue. Die Herre hei brav Senne Sie wei brav Senne ha, Sie tüent's ihne ordeli gönne, Wenn si cheu druffe bstah. Die Herre sin nit wie d'Bure, Sie si so gar schlimmi Lüt; Wenn me sie öppe will belure, Sie trauen i ds künftig nüt. Das Liedli han i gsunge De Chüejere nit zum Trutz; I wünsch, es sig mer wohl gelunge U bringi ihne viel Nutz.

I wünsche Glück alle Herre, Dene Bure au zuglich, I wünschti wohl alle, sie wäre Zusame notti fri rich.

| Deutsche Volkslieder | Ahnenforschung | Ferienaufenthalt | Folksongs | Hymns | Genealogy | Pacific Holiday | HOME PAGE | Suche | Email |