1. I han es Hüsli nett und blank Im liebe Schwyzerland, Es isch umgeh vo Fichte schlank Und lehnet an a d'Felsewand. Es hebt nit vor em Wetterstrahl, Wenn's ringsum bruust und stürmt; I glaub' im ganze Erdetal Isch kei's, das Gott so schirmt. Det obe fast im Himmel lyt's, Und s'Vaterland, das heißt me d'Schwyz. Det obe fast im Himmel lyt's, Und s'Vaterland, das heißt me d'Schwyz. Das himmlisch Land, Mys Alpeland, My liebi, liebi, schöni Schwyz, Das himmlisch Land, Mys Alpeland, My liebi, liebi, schöni Schwyz.

2. I han e frohe, heitre Sinn Und nie kei langi Zyt, Und wenn i uf der Alpe bin, So fehlt mir währli, währli nüt. I Städte händ's viel Zank und Stryt, Me wird nie s'Läbes froh, Da obe sind ganz andri Lüt, Die wüssit nüt dervo. Drum lob' i mir my Wolkesitz, Und 's Vaterland, das heißt me d'Schwyz Drum lob' i mir my Wolkesitz, Und 's Vaterland, das heißt me d'Schwyz Das himmlisch Land, Mys Alpeland, My liebi, liebi, schöni Schwyz, Das himmlisch Land, Mys Alpeland, My liebi, liebi, schöni Schwyz.

| Deutsche Volkslieder | Ahnenforschung | Ferienaufenthalt | Folksongs | Hymns | Genealogy | Pacific Holiday | HOME PAGE | Suche | Email |