1. Ik wull, wi weern noch kleen, Jehann, Do weer de Welt so grot! Wi seten op den Steen, Jehann, Weest noch? Bi Nawers Sot. An Heben seil de stille Maan, Wi segen, wa he leep, Un snacken, wa de Himmel hoch Un wa de Sot wol deep.

2. Weest noch, wa still dat weer, Jehann? Dar röhr keen Blatt an Bom. So is dat nu nich mehr, Jehann, As höchstens noch in Drom. Och ne, wenn do de Scheper sung Alleen int wide Feld: Ni wahr, Jehann? dat weer en Ton! De eenzige op de Welt.

3. Mitünner inne Schummertid Denn ward mi so to Moth. Denn löppt mi't langs den Rügg so hitt, As domals bi den Sot. Denn dreih ik mi so hasti üm, As weer ik nich alleen: Doch allens, wat ik finn, Jehann, Dat is - ik sta und ween.

| Deutsche Volkslieder | Ahnenforschung | Ferienaufenthalt | Folksongs | Hymns | Genealogy | Pacific Holiday | HOME PAGE | Suche | Email |