Uf em Bergli bin i g'sesse, Chönnt i numme wieder hi. O! i cha's schier nit vergesse, O! wie lustig isch es gsi. D'Vögel hei so lieblig g'sunge, Schöni Nestlihei sie baut, D'Lämmli si im Grüene g'speunge Und das alles han i g'schaut. Und dur's Täli bin i gange, Do isch's Bethli zue mir cho; Dort am Bächli, wo so rutschet, Hei mer blaui Blüemli gno; Hei enander Kränzli gflochte Und enander Strüßli g'macht, Öppis zellt und amen-einisch Zwischem yne herzlich glacht.

Über d'Matte simmer g'sprunge, O! wie het mi das erfreut! Schöni Liedli hei mer g'sunge, Daß es tönt het wyt und breit. Und vor's Hüttli simmer g'sesse, Do sy d'Tübli zue n-is cho, Denket nur, sie hein is 's Fresse Us de Händen use gnoh. s'Bethli het mi lehre melche, s'stoht mer gar nit übel a; Wenn er weit, ihr chönnet luege, Daß i'd wie ne Chüejer cha. S' het mer mengs no welle zeige, Hätt' i nur net müeße go! Doch i han ihm jo versproche, Öppe wieder umme z'cho.

Und uf's Bergli gang i wieder, Jo so gschwind i numme cha; Denn im Bethli will i halte, Was i ihm versproche ha. Wo-n-i von ihm furt bi gange Und scho ordli wyt bi gsi, Het es mir no noche gruefe: Hansli, gell, du denkst an mi?

| Deutsche Volkslieder | Ahnenforschung | Ferienaufenthalt | Folksongs | Hymns | Genealogy | Pacific Holiday | HOME PAGE | Suche | Email |