Vo Schönebuech bis Ammel, Vom Bölche bis zum Rhy, Lyt frei und schön das Ländli, Wo mir daheime sy. Das Ländli isch so fründli, Wenn alles grüent und blüeht, |: Drum hei mir au kei Land so lieb,    Wie euser Baselbiet. :| Es wechsle Berg und Täli, So liebig mitenand, Und über alles use Luegt männgi Felsewand. Do obe weide Herde, Dört unte wachst der Wy; |: Nei, schöner als im Baselbiet,    Chas währli nienne sy. :|

Die Baselbieter Lütli Sy gar e flyß'ge Schlag, Sie schaffe und sie werche, So viel e jede mag; Die einte mache Bändel, Die andre schaffe s'Feld, |: Doch alli sy, wenn's immer goht,    Gern lustig uf der Welt. :| Me seit vom Baselbieter Und red't ihm öppe no, Er säg nur: „Mir wei luege", Er chönn nit säge: „Jo"; Doch tuesch ihn öppe froge: „Wit du für's Recht ystoh?" |: Do heißt's nit daß ma luege well,    Do säge alli: „Jo!" :|

| Deutsche Volkslieder | Ahnenforschung | Ferienaufenthalt | Folksongs | Hymns | Genealogy | Pacific Holiday | HOME PAGE | Suche | Email |