1. Z'nachst hot mir mei Dirndl a Brieferl zugschriebn, warum bei de Nacht i denn gar nimma kimm, un sie moant, i wär schlimm, weil i gar nimma kimm, di huldria, huldria ho. 2. Wie i 's Brieferl hab g'lesn, hot ma's Herz im Leib g'lacht, und i bin dir glei g'schobn in der stockfinstern Nacht, daß d'Hosn ham kracht, in der stockfinstern Nacht, di huldria, huldria ho. 3. Jetzt wie i bin kemma bein Bauern ums Eck, da san dir die Höllsakra no net im Bett, sans no net im Bett, du des is a Gfrett, di huldria, huldria ho. 4. Und wie i so dasteh, hat mi sakrisch g'frorn, an die Nas, an d'Händ, an d'Füß und an d'Ohrn, hat mi sakrisch dafrorn an die Füß und an d'Ohrn, di huldria, huldria ho. 5. I fang dir beim Gatterl a Gräuschelwerk an, mei Dirndl hats g'hört und hats Fenster auftan: "Steig aufi zu mir, woaßts ja scho, wie!" di huldria, huldria ho. 6. Wia aufi bin gstiagn, i habs Schuawerk no oan, falls der Holzschuchei abi, hat an Platscherer tan, da gschaugts nur grad oan, hat an Platscherer tan, di huldria, huldria ho.

7. Jetzt wie i a Zeitlang beim Dirndl bin gwen, da kommt scho der Bauer mitn Ochsenzwengzweng, du der zieht verwegn, so a Ochsenzwengzweng, di huldria, huldria ho. 8. Da gibt mir mei Dirndl den heilsamen Rat: "Spring' außi bein Fenster, bei der Tür is scho z'spat," und i dank für den Rat, bei der Tür is scho z'spat! di huldria, huldria ho. 9. Zum Fenster zaus springa habi au nit glei traut, da hat mi der Alt auf d'Hosen aufghaut, du da hab i gschaut, auf d'Hosen aufghaut, di huldria, huldria ho. 10. Und wie i beim Fenster bin außikrocha, da ist mir der Fensterstock außibrocha! Is er außibrocha, der Herrgottsakra! di huldria, huldria ho. 11. Da ruft mir der Bauer: "Geh Hiasl, hoho, so laß mer doch dengast mein Fensterstock da, du kannstn net braucha und mir geht er a'" di huldria, huldria ho. 12. "Du damischer Baua, du saudumma Hund, i laßtn ja außa, bal i 'n auslassen kunnt, du damischer Hund, bal i 'n auslassen kunnt" di huldria, huldria ho.

13. Und dems aso geht, wie mir is ganga, der geht sei Lebtag net in d'Menschakamma zum Flöhafanga, in d'Menschakamma! di huldria, huldria ho.

| Deutsche Volkslieder | Ahnenforschung | Ferienaufenthalt | Folksongs | Hymns | Genealogy | Pacific Holiday | HOME PAGE | Suche | Email |