Der traurige Bua

Melodie - (Friedrich Silcher Satz mit Lalala)

Volkslied aus Kärnten

1. Zu dir ziagt's mi hin,
Wo i geh', wo i bin,
Hab' ka Rast und ka Ruah,
Bin a trauriga Bua.
Wann i d'Wölklan a bitt':
"Nehmts mi mit, nehmts mi mit
So fliag'n s' furt wia da Wind,
Lassen traurig mit hint'.
|: La la la la la la la
La la la la la la la. :|
2. Und i waß no wia heunt:
Hat der Mond so schön g'scheint,
Bist no g'sessen bei mir,
Eh' i furt bin von dir.
Hast mi druckt bei da Hand,
Hast mir zagt weit ins Land,
Hast dei Kopferl an mi g'lahnt
Und hast bitterli g'want.
|: La la la la la la la
La la la la la la la. :|
3. "B'hüat di Gott, liaba Bua,
Hast mir g'nomma mei Ruah,
Daß d'mei Alles bist g'west,
Siag i hiazt erst, weil'st gehst".
Wia s' mir das so hat g'sagt,
Hat's mir's Herz g'walti packt,
Hab' die Äuglan zuadruckt
Und a Träne verschluckt.
|: La la la la la la la
La la la la la la la. :|
4. Bin gar weit umme g'rennt
In der Welt ohne End';
Ha di g'sucht her und hin,
Find' kei Dienderl meh, wie di;
Jedem Baum han i's g'sagt,
Jeden Bach han i g'fragt:
Wie's der geht und wie's der is,
Und ob du denkst no an mi g'wiß.
|: La la la la la la la
La la la la la la la. :|