I bought a wife in Edinburgh For ae bawbee, I got a farthing back again To buy tobacco wi'. Chorus: And wi' you, and wi' you, And wi' you, Johnny lad, I'll drink the buckles o' my sheen, Wi' you, my Johnny lad. When auld King Arthur ruled this land, He was a thievin' king, He stole twa bows a' barley-meal To mak' a white pudding. The pudding it was awfu' guid, 'Twas weel mixed up wi' plooms, The lumps o' suet into it Were big as baith my thooms. Samson was a michty man And he focht wi' cuddies' jaws, And he focht a score o' battles Wearin' crimson flannel drawers.

There was a man in Nineveh And he was wondrous wise; He lowped into a hawthorn-hedge And scratched oat baith his eyes. And when he saw his e'en were oot, He was gey troubled then; He lowped into another hedge And scratched them in again. Napoleon was an emperor, He ruled by land and sea, He was king of France and Germany But he never rirled Polmadie. One Sunday I went walking And there I saw the queen, Playing at the fitba' With the lads on Glesca Green. The captain o' the other side Was scoring wi' great style, So the queen she ca'd a polisman And stuck him in the jail.

Johnny is a bonnie lad, He is a lad o' rnine, I never had a better lad And I've had twenty-nine.