Quand l'caporal s'apprêto à buquer S'ertourtant su s'n offici d'ordonnance Dis donc l'ami, c'qu'on peut bientôt qu'mincher? Not'aid' de camp s'ertornotout d'ene traque R'waitiot au lon et pu disot comm'cha Sa majesté on peut qu'mincher l'attaque On peut qu'mincher les Tournaisiens sont là. (ter) D'aussi longtemps que l'mémoire l'permette Cha'té comm'cha, dins la guerre, dins la paix D'Jerusalem t'iest-c'qui feonc'les ferniêtes? Tous les premiers, ch'esst des deux infants d'Tournai Et Godefroid, tout in suivant leu trache D'oin voi l'taureau crieot à ses soldats In peut pesser pour tertous y a de l'plache In peut rentrer les Tournaisiens sont là. (ter) Ein peu pu tard quand les hommes de tiete F'sai't tuer nos pères pour des brins d'tchiens Etant su'l'point d'attraper ein doguette I v'neot't querr' l'appui des Tournaisiens Le roy Lois connaisseot bin cell'sorte Car y diseot in s'mettant su's'mat'las Je r'pose in paix, ne fermez pas la porte J'peux m'indormir, les Tournaisiens sont là. (ter)

Dis-huit-cint-trint'eclate et voilà qu'la Belgique Tout d'cin seul bond à Bruxell'à volé A pied à qu'veaux, homm'posés et pratiques Autour du parc nos gins vont s'imbusquer Les Brabanchons in erweittiant leu faches Ont demindé"Quo qu'ch'est qu'ches gaillards-là Quand y ont su quo yont dit: in est in plache In est sauvés les Tournaisiens sont là. (ter) Nos combattants, c'etotde l'bonn'seminche Et d'pus c'timps-là on les a vus pousser Dins les beaux-arts, dins l'armée et dins les schiences t'iest-c'qu'y a l'pompom, ch'est nous-ot' sins s'vinter Et quand l'z'anglais ont fait aller leu blaque Su nos soldats, t'iest-c' qui les rimbarra? Ch'éteot renard qui leu livreot l'toubaque L'eont dit motus, les Tournaisiens sont là. (ter) Et si pu tard i faudreot qu'in r'queminche Aux grecs, aux p'tits ein belg'sareot prouver Qui n'suffit nin de nos dir:"t'est là et j'te minche" Neon avan cha i faudreot nos tuer Et quand not'roi au momint du touillage Dirs:"M'z'infant, l'ennemi est là-bas!" Nos s'écrions:"A nous Tournai, courage!" On sintira qu'les Tournaisiens sont là. (ter)

| Deutsche Volkslieder | Ahnenforschung | Ferienaufenthalt | Folksongs | Hymns | Genealogy | Pacific Holiday | HOME PAGE | SEARCH | Email | Bridge | Forum |