1. Au bour del Sambre et pierdu din l'fumière Voyez Couillet eye's clotchi crayeu C'est là que d'meure em'matante dorothée Veuve dem mononq Adrien du Crosteu A s'nieuve méson nos avons fait ribote Diminche passé tout in pindant l'cramya |: Pou l'premi coup c'est là qu'djai vu Lolotte    Rin qu'di pinser sintez comme em coeur bat :| 2. Gny avait drolà les pu gaies du villadge In fait d'coumères on n'avou qu'a schwési On a r'ciné à l'om'padsou l'fouilladge Au mitan del cour padsou l'gros cerigi Em'bonne matante a del biere in bouteye C'n est nin l'faro qu'est jamais si bon qu'ça |: Din s'chique Lolotte aste si hi vermeille    Rin qu'di pinser sintez comme em coeur bat :|

3. Y dadet mieux les panses s'tindent rimplies Djan l'blanchisseu tinguelle es violon Y dit s'effants nos avons ci des filles Qui n'demandent fonk quà danser l'rigodon Mais qué plési que Lolotte est contenne Après l'quadrille on boute en mazurka |: Djai trianné in serrant s'main s'in l'mienne    Rin qu'di pinser sintez comme em coeur bat :| 4. Vla l'swer venu pour danser s'presse El vionneux raclout avec ardeur L'bière comme l'amour vo faison tourner l'tiesse Vin non den chique dji nadjeu din l'bonheur Mais l'pa Lolotte in viyant que dje l'imbrasse D'un coup d'chabot m'fait plondgi din l'puria El commère s'incourt eyet mi dji m'ramasse |: Ciel qué coup d'pi sintez comme em coeur bat    Rin qu'di pinser sintez comme em coeur bat :|

5. Dji m'soveré du cramya dem matante Dji crwé qu'djai l'croupion mitan desmis dji prinds des bains à l'vapeur d'yau boullante Grignant des dins tous les cou qu'dji m'achi Mais qu'in j'devrou s'quetter m'dernière culotte Pou m'apugny avu s'man eyet s'pa |: Putôt mori quad véki sin Lolotte    Rin qu'di pinser sintez comme em coeur bat :|

| Deutsche Volkslieder | Ahnenforschung | Ferienaufenthalt | Folksongs | Hymns | Genealogy | Pacific Holiday | HOME PAGE | SEARCH | Email |