The de'il cam fiddlin thro' the town, And danc'd awa wi' the Exciseman, And ilka wife cries: "Auld Mahoun, I wish you luck o' the prize, man!" Chorus: The de'il's awa, the de'il's awa, The de'il's awa wi' the Exciseman! He's danc'd awa, he's danc'd awa, He's danc'd awa wi' the Exciseman! We'll mak our maut, and we'll brew our drink, We'll laugh, sing and rejoice, man, And monie braw thanks to the meikle foul de'il, That's danc'd awa wi' the Exciseman. There's threesome reels, there's foursome reels, There's hornpipes and strathspeys, man But the ae best dance e're cam to the land, Was "The de'il's awa wi' the Exciseman!"

| Deutsche Volkslieder | Ahnenforschung | Ferienaufenthalt | Folksongs | Hymns | Genealogy | Pacific Holiday | HOME PAGE | SEARCH | Email |